ಬೆಂಗಳೂರಿನಲ್ಲಿ ACETECH 2026 ವಾಸ್ತುಶಿಲ್ಪ–ನಿರ್ಮಾಣ ತಂತ್ರಜ್ಞಾನ ಮೇಳ ಆರಂಭ

ಬೆಂಗಳೂರು: ವಾಸ್ತುಶಿಲ್ಪ, ಕಟ್ಟಡ ಸಾಮಗ್ರಿ, ವಿನ್ಯಾಸ ಮತ್ತು ನಿರ್ಮಾಣ ಕ್ಷೇತ್ರದ ಪ್ರಮುಖ ಪ್ರದರ್ಶನಗಳಲ್ಲಿ ಒಂದಾದ ACETECH Bengaluru 2026 ಶುಕ್ರವಾರ ಬೆಂಗಳೂರಿನ Bangalore International Exhibition Centre (BIEC)ನಲ್ಲಿ ಆರಂಭಗೊಂಡಿದೆ. ಅಕ್ಟೋಬರ್ 9ರಿಂದ 11ರವರೆಗೆ ಮೂರು ದಿನಗಳ ಕಾಲ ನಡೆಯಲಿರುವ ಪ್ರದರ್ಶನವನ್ನು Asian Business Exhibitions & Conferences Ltd. (ABEC) ಆಯೋಜಿಸಿದೆ.

ವಾಸ್ತುಶಿಲ್ಪಿಗಳು, ಒಳಾಂಗಣ ವಿನ್ಯಾಸಕಾರರು, ಬಿಲ್ಡರ್‌ಗಳು, ಡೆವಲಪರ್‌ಗಳು, ಗುತ್ತಿಗೆದಾರರು, ಎಂಜಿನಿಯರ್‌ಗಳು, ಯೋಜನಾ ನಿರ್ವಾಹಕರು, ಖರೀದಿ ವಿಭಾಗದ ಮುಖ್ಯಸ್ಥರು ಹಾಗೂ ಕಟ್ಟಡ ನಿರ್ಮಾಣ ಕ್ಷೇತ್ರದ ವಿವಿಧ ವೃತ್ತಿಪರರನ್ನು ಒಂದೇ ವೇದಿಕೆಗೆ ತರುವ ಉದ್ದೇಶದಿಂದ ACETECH ಆಯೋಜಿಸಲಾಗಿದೆ. ಕಟ್ಟಡ ವಿನ್ಯಾಸ, ನಿರ್ಮಾಣ ಸಾಮಗ್ರಿಗಳು, ಟೈಲ್ಸ್ ಮತ್ತು ಸೆರಾಮಿಕ್ಸ್, ಮರ ಮತ್ತು ಫ್ಲೋರಿಂಗ್, ಪೇಂಟ್ಸ್ ಹಾಗೂ ವಾಲ್ ಕವರಿಂಗ್, ಪ್ಲಂಬಿಂಗ್, ರೂಫಿಂಗ್, ಸುರಕ್ಷತಾ ವ್ಯವಸ್ಥೆಗಳು, ಸ್ಟೀಲ್ ಮತ್ತು ಕಾಂಕ್ರೀಟ್, ನೀರು ನಿರ್ವಹಣೆ ಸೇರಿದಂತೆ ಹಲವಾರು ವಿಭಾಗಗಳ ಉತ್ಪನ್ನಗಳು ಮತ್ತು ಪರಿಹಾರಗಳನ್ನು ಇಲ್ಲಿ ಪರಿಚಯಿಸಲಾಗುತ್ತಿದೆ.

ಉದ್ಯಮದ ಹೊಸ ತಂತ್ರಜ್ಞಾನ, ವಿನ್ಯಾಸ ಪರಿಕಲ್ಪನೆಗಳು, ಉತ್ಪನ್ನಗಳು ಮತ್ತು ಸೇವೆಗಳನ್ನು ಪರಿಚಯಿಸುವುದರೊಂದಿಗೆ, ದೇಶ-ವಿದೇಶದ ಪ್ರಮುಖ ಬ್ರ್ಯಾಂಡ್‌ಗಳು ಹಾಗೂ ವೃತ್ತಿಪರರ ನಡುವೆ ವ್ಯಾಪಾರ ಸಂಪರ್ಕ ಮತ್ತು ಜ್ಞಾನ ವಿನಿಮಯಕ್ಕೆ ಈ ಮೇಳ ವೇದಿಕೆಯಾಗಲಿದೆ.