Anukshana

ಹುಬ್ಬಳ್ಳಿ ವಿಮಾನ ನಿಲ್ದಾಣದಲ್ಲಿ ರಾತ್ರಿ ಇಳಿಯುವಿಕೆ

ಹುಬ್ಬಳ್ಳಿ ವಿಮಾನ ನಿಲ್ದಾಣದಲ್ಲಿ ರಾತ್ರಿ ವೇಳೆ ವಿಮಾನ ಇಳಿಯುವ ವ್ಯವಸ್ಥೆ ಆರಂಭವಾಗಿದೆ. ರನ್‌ವೇ ದೀಪಗಳು ಹಾಗೂ ಉಪಕರಣ ಆಧಾರಿತ ಇಳಿಯುವಿಕೆ ವ್ಯವಸ್ಥೆ ಅಳವಡಿಕೆಯಿಂದ ಈಗ ಕತ್ತಲಲ್ಲೂ ವಿಮಾನಗಳು ಸುರಕ್ಷಿತವಾಗಿ ಇಳಿಯಬಹುದು. ಇದರಿಂದ ಬೆಂಗಳೂರು, ಮುಂಬೈ ಹಾಗೂ ದೆಹಲಿಗೆ ಸಂಜೆಯ ನಂತರವೂ ಹಾರಾಟ ಸಾಧ್ಯವಾಗಲಿದೆ. ಉತ್ತರ ಕರ್ನಾಟಕದ ಉದ್ಯಮ ಹಾಗೂ ಪ್ರವಾಸೋದ್ಯಮಕ್ಕೆ ಇದು ಉತ್ತೇಜನ ನೀಡಲಿದೆ ಎಂದು ವಾಣಿಜ್ಯೋದ್ಯಮಿಗಳು ಸಂತಸ ವ್ಯಕ್ತಪಡಿಸಿದ್ದಾರೆ.