ಬೆಂಗಳೂರು: ಜಗಜ್ಯೋತಿ ಬಸವೇಶ್ವರರ ಜಯಂತಿ ಪ್ರಯುಕ್ತ “ಕಾಯಕವೇ ಕೈಲಾಸ – ಸರ್ವರಿಗೂ ಉದ್ಯೋಗ” ಎಂಬ ಧ್ಯೇಯದೊಂದಿಗೆ ಮಲ್ಲೇಶ್ವರಂನಲ್ಲಿ ಭಾರಿ ಮಟ್ಟದ ಯುವೋತ್ಸವ – ಉದ್ಯೋಗ ಮೇಳ 2026 ಅನ್ನು ಆಯೋಜಿಸಲಾಗುತ್ತಿದೆ.
ಮಾಜಿ ಉಪ ಮುಖ್ಯಮಂತ್ರಿ ಹಾಗೂ ಮಲ್ಲೇಶ್ವರಂ ಶಾಸಕ ಡಾ. ಸಿ.ಎನ್. ಅಶ್ವಥ್ ನಾರಾಯಣ್ ಅವರ ನೇತೃತ್ವದ ಡಾ. ಸಿ.ಎನ್. ಅಶ್ವಥ್ ನಾರಾಯಣ್ ಫೌಂಡೇಶನ್, ಭಾರತ್ ಕರಿಯರ್ ಕನೆಕ್ಟ್, ಕ್ಯಾಂಪಸ್ ಫಂಡ್ ಹಾಗೂ ಆಕ್ಸಲರೇಟರ್ ಸಂಸ್ಥೆಗಳ ಸಹಯೋಗದಲ್ಲಿ ಈ ಮಹತ್ವದ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ.
ಮಲ್ಲೇಶ್ವರಂನಲ್ಲಿರುವ ಶಾಸಕರ ಕಚೇರಿಯಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಡಾ. ಸಿ.ಎನ್. ಅಶ್ವಥ್ ನಾರಾಯಣ್ ಈ ಕಾರ್ಯಕ್ರಮದ ವಿವರಗಳನ್ನು ಹಂಚಿಕೊಂಡರು.
ಬಸವಣ್ಣನವರ “ಕಾಯಕವೇ ಕೈಲಾಸ” ತತ್ವವನ್ನು ಕಾರ್ಯರೂಪಕ್ಕೆ ತರುವ ಉದ್ದೇಶದಿಂದ ಈ ಯುವೋತ್ಸವವನ್ನು ಆಯೋಜಿಸಲಾಗಿದ್ದು, ಇದು ಕೇವಲ ಉದ್ಯೋಗ ಮೇಳವಲ್ಲ, ಯುವಕರಿಗೆ ಸಮಗ್ರ ಸಬಲೀಕರಣ ನೀಡುವ ವೇದಿಕೆಯಾಗಿದೆ ಎಂದು ಹೇಳಿದರು.
ಐದು ಪ್ರಮುಖ ಆಧಾರಸ್ತಂಭಗಳು
ಈ ಕಾರ್ಯಕ್ರಮವು ಐದು ಪ್ರಮುಖ ಅಂಶಗಳ ಮೇಲೆ ರೂಪಿಸಲಾಗಿದೆ:
- ವೃತ್ತಿ ಮಾರ್ಗದರ್ಶನ (Career Counselling)
- ಕೌಶಲ್ಯಾಭಿವೃದ್ಧಿ (Skill Development)
- ಉದ್ಯೋಗ ಮೇಳ (Job Fair)
- ಉದ್ಯಮಶೀಲತಾ ಅಭಿವೃದ್ಧಿ (Entrepreneurship)
- ಆರ್ಥಿಕ ಸೇರ್ಪಡೆ (Financial Inclusion)
100+ ಕಂಪನಿಗಳು – 5000ಕ್ಕೂ ಹೆಚ್ಚು ಉದ್ಯೋಗಾವಕಾಶ
ಈ ಉದ್ಯೋಗ ಮೇಳದಲ್ಲಿ:
- 100ಕ್ಕೂ ಹೆಚ್ಚು ಖ್ಯಾತ ಕಂಪನಿಗಳು ಭಾಗವಹಿಸಲಿವೆ
- ಐಟಿ, ಉತ್ಪಾದನೆ, ಬ್ಯಾಂಕಿಂಗ್, ಆರೋಗ್ಯ, ರಿಟೇಲ್, ಲಾಜಿಸ್ಟಿಕ್ಸ್ ಸೇರಿದಂತೆ ವಿವಿಧ ಕ್ಷೇತ್ರಗಳು
- 5000ಕ್ಕೂ ಹೆಚ್ಚು ಉದ್ಯೋಗಾವಕಾಶಗಳು
ಎಸ್ಎಸ್ಎಲ್ಸಿ, ಪಿಯುಸಿ, ಐಟಿಐ, ಡಿಪ್ಲೊಮಾ, ಪದವಿ ಹಾಗೂ ಸ್ನಾತಕೋತ್ತರ ಅಭ್ಯರ್ಥಿಗಳಿಗೆ ಅವಕಾಶ ಕಲ್ಪಿಸಲಾಗಿದೆ. ಸ್ಥಳದಲ್ಲೇ ಸಂದರ್ಶನ ಮತ್ತು ನೇಮಕಾತಿ ಪ್ರಕ್ರಿಯೆ ನಡೆಯಲಿದೆ.
ಯುವಕರಿಗೆ ಸಮಗ್ರ ಸಬಲೀಕರಣ
ಈ ಕಾರ್ಯಕ್ರಮದ ಮೂಲಕ:
- 1000ಕ್ಕೂ ಹೆಚ್ಚು ಅಭ್ಯರ್ಥಿಗಳಿಗೆ ಕೌಶಲ್ಯ ತರಬೇತಿ
- ಇಂಟರ್ನ್ಶಿಪ್, ಅಪ್ರೆಂಟಿಸ್ಶಿಪ್ ಅವಕಾಶಗಳು
- ಸ್ವಯಂ ಉದ್ಯೋಗ ಹಾಗೂ ಸ್ಟಾರ್ಟ್ಅಪ್ ಮಾರ್ಗದರ್ಶನ
- ಜೀವನೋಪಾಯ ಮತ್ತು ವೃತ್ತಿ ಅಭಿವೃದ್ಧಿಗೆ ಸಹಾಯ
ಏಪ್ರಿಲ್ 13ರಿಂದ ತರಬೇತಿ ಕಾರ್ಯಕ್ರಮಗಳು
ಉದ್ಯೋಗ ಮೇಳಕ್ಕೂ ಮುನ್ನ (ಏಪ್ರಿಲ್ 13ರಿಂದ 17ರವರೆಗೆ) ಪ್ರತಿದಿನ ಸಂಜೆ 7ರಿಂದ 8.30ರವರೆಗೆ ಆನ್ಲೈನ್ ವೆಬಿನಾರ್ಗಳ ಮೂಲಕ ವಿವಿಧ ತರಬೇತಿ ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ.
ಉದ್ಯೋಗ ಮೇಳದ ಸಂಪೂರ್ಣ ವಿವರಗಳು
- ದಿನಾಂಕ: 20-04-2026
- ಸಮಯ: ಬೆಳಿಗ್ಗೆ 8:30 ರಿಂದ ಸಂಜೆ 4:30
- ಸ್ಥಳ: SHVNM ಸರ್ಕಾರಿ ಬಾಲಕಿಯರ ಪೂರ್ವ ವಿಶ್ವವಿದ್ಯಾಲಯ ಕಾಲೇಜು, 13ನೇ ಕ್ರಾಸ್, ಮಲ್ಲೇಶ್ವರಂ, ಬೆಂಗಳೂರು – 560003
ನೋಂದಣಿ (Registration) ವಿವರಗಳು
ಉದ್ಯೋಗ ಮೇಳದಲ್ಲಿ ಭಾಗವಹಿಸಲು ಅಭ್ಯರ್ಥಿಗಳು ಕೆಳಗಿನ ಮಾರ್ಗಗಳಲ್ಲಿ ನೋಂದಾಯಿಸಿಕೊಳ್ಳಬಹುದು:
- ಜಾಲತಾಣ (Website): https://bharatcareerconnect.com/
- ಆನ್ಲೈನ್ ಜಾಬ್ ಪೋರ್ಟಲ್: ಭಾರತ್ ಕರಿಯರ್ ಕನೆಕ್ಟ್ ಪೋರ್ಟಲ್ ಮೂಲಕ ನೇರವಾಗಿ ನೋಂದಣಿ
- ಸಹಾಯವಾಣಿ ಸಂಖ್ಯೆ (Helpline): 63629 02335
- ಸ್ಥಳದಲ್ಲೇ ನೋಂದಣಿ: ಕಾರ್ಯಕ್ರಮದ ದಿನವೇ ಸ್ಥಳದಲ್ಲಿ 15+ ಕೌಂಟರ್ಗಳ ಮೂಲಕ ನೋಂದಣಿ ಅವಕಾಶ
ಅಭ್ಯರ್ಥಿಗಳು ಮತ್ತು ಉದ್ಯೋಗದಾತರಿಗೆ ಉಚಿತ ನೋಂದಣಿ ವ್ಯವಸ್ಥೆ ಲಭ್ಯವಿದೆ.
ವಿಶೇಷ ವೈಶಿಷ್ಟ್ಯಗಳು
- ಸ್ಥಳದಲ್ಲೇ ಸಂದರ್ಶನ ಮತ್ತು ನೇಮಕಾತಿ
- ಉದ್ಯೋಗದಾತರಿಗೆ ವಿಶೇಷ ಸ್ಟಾಲ್ಗಳು
- ಹೊಸಬರು ಮತ್ತು ಅನುಭವಿಗಳಿಗಾಗಿ ಅವಕಾಶಗಳು
- ವಿಕಲಚೇತನರಿಗೆ (PwD) ವಿಶೇಷ ಅವಕಾಶ
- ಹ್ಯಾಕಥಾನ್ ಮೂಲಕ ಸ್ಟಾರ್ಟ್ಅಪ್ ಅವಕಾಶ
- ಉಚಿತ ಆಹಾರ ಮತ್ತು ಮೂಲಭೂತ ಸೌಲಭ್ಯಗಳು
- ಸರ್ಕಾರಿ ಹಾಗೂ ಖಾಸಗಿ ಸಂಸ್ಥೆಗಳ ಮಾಹಿತಿ ಮಳಿಗೆಗಳು
ಡಾ. ಸಿ.ಎನ್. ಅಶ್ವಥ್ ನಾರಾಯಣ್ ಮಾತನಾಡಿ, ಯುವಕರು ಸ್ವಾವಲಂಬಿಗಳಾಗಬೇಕು. ಕೇವಲ ಪದವಿ ಸಾಕಾಗುವುದಿಲ್ಲ; ಕೌಶಲ್ಯ, ಮಾರ್ಗದರ್ಶನ ಮತ್ತು ಅವಕಾಶಗಳು ಅಗತ್ಯ. ಈ ಎಲ್ಲಾ ಅಂಶಗಳನ್ನು ಒಂದೇ ವೇದಿಕೆಯಲ್ಲಿ ಒದಗಿಸುವ ಪ್ರಯತ್ನವೇ ಈ ಉದ್ಯೋಗ ಮೇಳ ಎಂದು ಹೇಳಿದರು.
ರೀಚಾ ಬಾಜ್ಪೇಯಿ (Campus Fund) ಅವರು ಮಾತನಾಡಿ, ಎಐ ಮತ್ತು ತಂತ್ರಜ್ಞಾನ ವೇಗವಾಗಿ ಬೆಳೆಯುತ್ತಿರುವ ಹಿನ್ನೆಲೆ ಯುವಕರು ಕೌಶಲ್ಯಾಭಿವೃದ್ಧಿಗೆ ಹೆಚ್ಚಿನ ಒತ್ತು ನೀಡಬೇಕು. ಉದ್ಯೋಗ ಪಡೆಯುವುದರ ಜೊತೆಗೆ ಸ್ವಂತ ಉದ್ಯಮ ಆರಂಭಿಸುವತ್ತವೂ ಗಮನ ಹರಿಸಬೇಕು ಎಂದು ಹೇಳಿದರು.
ಕೌಶಿಕ್ ರಾಜು (Accelerator) ಅವರು ಮಾತನಾಡಿ, ಯುವಕರು ಉದ್ಯೋಗಗಳಿಲ್ಲ ಎಂದು ಹೇಳುತ್ತಿದ್ದರೆ, ಕಂಪನಿಗಳು ಅರ್ಹ ಅಭ್ಯರ್ಥಿಗಳಿಲ್ಲ ಎಂದು ಹೇಳುತ್ತಿವೆ. ಈ ಅಂತರವನ್ನು ಕಡಿಮೆ ಮಾಡಲು ಈ ಉದ್ಯೋಗ ಮೇಳ ಒಂದು ಪ್ರಮುಖ ವೇದಿಕೆಯಾಗಲಿದೆ ಎಂದು ಹೇಳಿದರು. ಹ್ಯಾಕಥಾನ್ ಮೂಲಕ ಹೂಡಿಕೆದಾರರನ್ನು ಸಂಪರ್ಕಿಸುವ ಅವಕಾಶ ಸಿಗಲಿದೆ ಎಂದರು.
ಹೇಮಂತ್ (Bharat Career Connect) ಅವರು ಮಾತನಾಡಿ, ಈ ಕಾರ್ಯಕ್ರಮವು ಕೇವಲ ಒಂದು ದಿನಕ್ಕೆ ಸೀಮಿತವಲ್ಲ; ನಿರಂತರ ಪ್ರಕ್ರಿಯೆಯಾಗಿದ್ದು, ತರಬೇತಿ, ಮಾರ್ಗದರ್ಶನ ಹಾಗೂ ಮೇಳದ ನಂತರವೂ ಫಾಲೋ-ಅಪ್ ಮೂಲಕ ಉದ್ಯೋಗ ಸಿಗುವಂತೆ ಸಹಾಯ ಮಾಡಲಾಗುತ್ತದೆ ಎಂದರು.
“ಕಾಯಕವೇ ಕೈಲಾಸ – ಸರ್ವರಿಗೂ ಉದ್ಯೋಗ” ಎಂಬ ತತ್ವದೊಂದಿಗೆ ನಡೆಯುತ್ತಿರುವ ಈ ಮೆಗಾ ಉದ್ಯೋಗ ಮೇಳ, ನಿರುದ್ಯೋಗಿ ಯುವಕರಿಗೆ ಸಮಗ್ರ ಅವಕಾಶಗಳನ್ನು ಒದಗಿಸುವ ಮೂಲಕ ಅವರ ಭವಿಷ್ಯವನ್ನು ರೂಪಿಸುವ ಪ್ರಮುಖ ವೇದಿಕೆಯಾಗಲಿದೆ.
