ಬೆಂಗಳೂರು: ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಭೂರಾಜಕೀಯ (Geopolitical) ಪರಿಸ್ಥಿತಿಯ ಹಿನ್ನೆಲೆಯಲ್ಲಿ ಎಲ್ಪಿಜಿ (Liquefied Petroleum Gas – LPG) ಲಭ್ಯತೆ ಬಗ್ಗೆ ಜನರಲ್ಲಿ ಆತಂಕ ಮತ್ತು ಗೊಂದಲ ಹೆಚ್ಚುತ್ತಿರುವ ಹಿನ್ನಲೆಯಲ್ಲಿ, ಕರ್ನಾಟಕದ ಆಲ್ ಇಂಡಿಯಾ ಎಲ್ಪಿಜಿ ಡಿಸ್ಟ್ರಿಬ್ಯೂಟರ್ಸ್ ಫೆಡರೇಷನ್ (All India LPG Distributors Federation) ಸ್ಪಷ್ಟನೆ ನೀಡಿದೆ.
ರಾಜ್ಯದಾದ್ಯಂತ ಗೃಹ ಬಳಕೆ ಹಾಗೂ ವಾಣಿಜ್ಯ ಬಳಕೆದಾರರಿಗೆ ಎಲ್ಪಿಜಿ ಸರಬರಾಜು ನಿರಂತರವಾಗಿ ನಡೆಯುತ್ತಿದ್ದು, ಯಾವುದೇ ರೀತಿಯ ಕೊರತೆ ಇಲ್ಲ ಎಂದು ಫೆಡರೇಷನ್ ತಿಳಿಸಿದೆ. ತೈಲ ಮಾರಾಟ ಕಂಪನಿಗಳ (Oil Marketing Companies – OMC) ನಿರ್ದೇಶನದಂತೆ ವಿತರಕರು ಕಾರ್ಯನಿರ್ವಹಿಸುತ್ತಿದ್ದು, ಸರಬರಾಜು ಹಾಗೂ ಹಂಚಿಕೆ ಸಂಬಂಧಿತ ಎಲ್ಲಾ ನಿರ್ಧಾರಗಳು ಕಂಪನಿಗಳ ಅಧೀನದಲ್ಲೇ ಇವೆ ಎಂದು ಹೇಳಲಾಗಿದೆ.
ರಿಫಿಲ್ ಬುಕ್ಕಿಂಗ್ ಅವಧಿ (Rationing System) ವಿವರ
ಸಮಪ್ರಮಾಣದ ವಿತರಣೆಯನ್ನು ಖಚಿತಪಡಿಸಲು ಕೆಳಗಿನ ಅವಧಿಗಳನ್ನು ಜಾರಿಗೊಳಿಸಲಾಗಿದೆ:
ಒಂದು ಸಿಲಿಂಡರ್ ಸಂಪರ್ಕ (Single Bottle):
- 14.2 ಕೆಜಿ – 25 ದಿನ
- 5 ಕೆಜಿ – 9 ದಿನ
- 10 ಕೆಜಿ ಕಾಂಪೋಸಿಟ್ – 18 ದಿನ
ಎರಡು ಸಿಲಿಂಡರ್ ಸಂಪರ್ಕ (Double Bottle):
- 14.2 ಕೆಜಿ – 35 ದಿನ
- 10 ಕೆಜಿ ಕಾಂಪೋಸಿಟ್ – 25 ದಿನ
- 5 ಕೆಜಿ – 12 ದಿನ
ಉಜ್ವಲ ಯೋಜನೆ (Ujjwala) ಸಂಪರ್ಕ:
- 14.2 ಕೆಜಿ – 45 ದಿನ
- 5 ಕೆಜಿ – 16 ದಿನ
ಅಗತ್ಯ ಸೂಚನೆಗಳು
- ಅನಾವಶ್ಯಕವಾಗಿ ರಿಫಿಲ್ ಬುಕ್ಕಿಂಗ್ ಮಾಡಬೇಡಿ, ಇದರಿಂದ ವ್ಯವಸ್ಥೆಯಲ್ಲಿ ಒತ್ತಡ ಉಂಟಾಗುತ್ತದೆ.
- ಗ್ರಾಹಕರು ಎಲ್ಪಿಜಿ ಏಜೆನ್ಸಿ ಅಥವಾ ಗೋದಾಮುಗಳಿಗೆ ಭೇಟಿ ನೀಡುವುದು ತಪ್ಪಿಸಬೇಕು.
- ಸಿಲಿಂಡರ್ಗಳನ್ನು ಮನೆಗಳಿಗೆ ನೇರವಾಗಿ ಸರಬರಾಜು ಮಾಡಲಾಗುತ್ತಿದೆ.
ಜನರಲ್ಲಿ ಆತಂಕ ಬೇಡ: ಸರಬರಾಜು ಸುಗಮ
ಒಟ್ಟಾರೆ, ಎಲ್ಪಿಜಿ ಸರಬರಾಜು ಸಮರ್ಪಕವಾಗಿ ನಡೆಯುತ್ತಿದ್ದು, ಯಾವುದೇ ರೀತಿಯ ಗೊಂದಲ ಅಥವಾ ಕೊರತೆ ಬಗ್ಗೆ ಆತಂಕಪಡುವ ಅಗತ್ಯವಿಲ್ಲ ಎಂದು ಫೆಡರೇಷನ್ ಸಾರ್ವಜನಿಕರಿಗೆ ಮನವಿ ಮಾಡಿದೆ.
